اسلام آباد: پاکستان میں پولیو کیسز رپورٹ ہونے کے بعد وزارت صحت نے ملک بھر میں انسداد پولیو مہم چلانے کا فیصلہ کیا ہے۔
ترجمان وزارت صحت کا کہنا ہے کہ ملک میں پولیو کے نئے کیسزرپورٹ ہونے پر 23 سے 29 مئی تک انسداد پولیو مہم چلائی جائے گی، انسداد پولیومہم پورے ملک میں چلائی جائے گی۔
وفاقی وزیرصحت عبدالقادر پٹیل کا کہنا ہے کہ حکومت پولیو کے خاتمے کیلئے پرعزم ہے، پولیوکے خاتمے کیلئے ہر ممکن اقدامات کےل جائیں گے۔
عبدالقادر پٹیل نے مزید کہا کہ پولیو کے خاتمے کیلئے مؤثراورمربوط حکمت عملی تشکیل دی ہے، حکومت ملک کو پولیوسے پاک بنانے کیلئے بھرپور جدوجہد کررہی ہے، والدین بچوں کو انسداد پولیو کے قطرے ضرورپلائیں۔
یاد رہے کہ گزشتہ روز ملک میں رواں برس پولیو کا تیسرا کیس سامنے آیا، شمالی وزیرستان کے ایک سالہ بچے میں وائرس کی تصدیق ہوئی۔
وزارت صحت نے پولیو کا تیسرا کیس سامنے آنے پر تشویش کا اظہار کیا تھا۔
وزیر صحت عبدالقادر پٹیل نے کہا تھا کہ پولیو کا خاتمہ نہ ہونا بڑا المیہ ہے، وائرس کے تدارک کیلئے ہنگامی بنیادوں پر اقدامات کا سلسلہ جاری ہے۔
وزیرصحت نے کیسز رپورٹ ہونے کے بعد خیبرپختونخوا کا بھی دورہ کیا تھا اور کہا تھا کہ خود پولیو کے خاتمے کی کوششوں کی نگرانی کررہا ہوں۔
