فٹ بال کی عالمی تنظیم فیفا نے رکن ممالک کے اعتراضات پر روس کی ٹیم کو ورلڈ کپ کے ایونٹ سے باہر کر دیا ہے۔
فیفا اور یورپئین فٹ بال ایسوسی ایشن نے مشترکہ اعلان میں کہا ہے کہ روس اب عالمی سطح پر فٹ بال کے کسی بھی ایونٹ میں شرکت نہیں کر سکے گا۔
واضح رہے کہ اب سے چند گھنٹے قبل فیفا نے روس کی فٹ بال ٹیم کو اپنے ملک کا نام اور جھنڈا استعمال کئے بغیر فٹ بال ایونٹس میں شرکت کی اجازت دی تھی۔
فیفا کے اس فیصلے پر متعدد ممالک کی فٹ بال فیڈریشن نے اعتراض کیا تھا اور کہا تھا کہ روس کی فٹ بال ٹیم پر مکمل پابندی عائد کی جائے۔
BREAKING: Russia are KICKED OUT of the World Cup by FIFA https://t.co/fEi44VgrNe pic.twitter.com/mgMPX1y8Qm
— Mail Sport (@MailSport) February 28, 2022
فیفا نے چند گھنٹوں بعد رکن ممالک کے اعتراضات پر اپنا فیصلہ تبدیل کر لیا ہے اور اب روس پر مکمل پابندی عائد کر دی ہے۔
جبکہ یورپ کی فٹ بال فیڈریشن یوئیفا نے بھی روس کی ٹیم پر مکمل پابندی عائد کر دی ہے۔ یوئیفا نے روس کی ایک کمپنی کے ساتھ کئے گئے اسپانسر شپ معاہدے کو بھی منسوخ کر دیا ہے.
یوئیفا کے ساتھ روس کی ایک توانائی کمپنی گیزپروم کے ساتھ تقریباً 40 ملین یورو فی سیزن کا معاہدہ تھا جو 2012 سے جاری تھا۔
