قومی کرکٹ ٹیم کے سابق کرکٹر محمد حسین 46 برس کی عمر میں انتقال کرگئے۔ وہ گردوں کے مرض میں مبتلا تھے۔
سابق ٹیسٹ کپتان اظہر علی نے اپنے ٹوئٹ میں محمد حسین کے انتقال پر گہرے دُکھ کا اظہار کرتے ہوئے کہا کہ وہ بہت اچھے انسان تھے اور ہمیشہ نوجوانوں کی مدد کے لیے حاضر رہتے تھے میں نے ان کے ساتھ بطور کھلاڑی مختصر مگر شاندار وقت گزارا، اللہ مغفرت فرمائے آمین۔
46 سالہ اسپنر محمد حسین نے پاکستان کی جانب سے دو ٹیسٹ اور 14 ایک روزہ میچز کھیلے۔
The PCB is saddened by the passing of former Pakistan Test all-rounder Mohammad Hussain and offers its sincerest condolences to his family and friends. pic.twitter.com/f4q4zSUiXj
— Pakistan Cricket (@TheRealPCB) April 11, 2022
پی سی بی کی جانب سے جاری ٹوئٹ میں کہا گیا کہ پی سی بی پاکستان کے سابق ٹیسٹ آل راؤنڈر محمد حسین کے انتقال پر غمزدہ ہے اور ان کے اہل خانہ اور دوستوں سے دلی تعزیت پیش کرتا ہے۔
