برٹش ایئرویز کی پرواز میں ایک خاتون مسافر کے کھانے میں سے مصنوعی دانت نکل آیا۔ غدا الحوث لندن سے دبئی جانے والی پرواز میں محوِ سفر تھیں۔
انہوں نے ٹوئٹ کرتے ہوئے کھانے اور مصنوعی دانت کی تصویر بھی شیئر کی۔
خاتون نے ٹوئٹ میں ایئرلائن کو مخاطب کرتے ہوئے کہا کہ ہم اب تک آپ سے اپنے کھانے میں سے برآمد ہونے والے اس مصنوعی دانت کے متعلق وضاحت کا انتظار کر رہے ہیں۔
Hi there, we're really sorry to see this! Did you give our cabin crew your details for our Customer Relations team to contact you? For security, please send us any personal details by DM. Natalie https://t.co/L1epyfzysM
— British Airways (@British_Airways) December 4, 2022
ان کا کہنا تھا کہ میرے منہ میں میرے اپنے تمام اصلی دانت لگے ہوئے ہیں تو یہ میرا نہیں ہوسکتا۔
برٹش ایئرویز نے خاتون مسافر کی ٹوئٹ پر جواب دیتے ہوئے کہا کہ ہمیں یہ دیکھ کر بہت افسوس ہوا، کیا آپ نے کسٹمر ریلیشنز ٹیم کو فضائی عملے کے متعلق تفصیلات فراہم کی تھیں؟ آپ ہمیں براہ راست میسج کرکے اپنی تمام ذاتی تفصیلات فراہم کیجیے۔
ایئرلائن نے برطانوی اخبار کو بتایا کہ وہ اس معاملے پر براہ راست خاتون مسافر سے رابطے میں ہیں اور ان سے معذرت کرنے کے ساتھ ساتھ تفصیلات بھی لے چکے ہیں تاکہ متعلقہ حکام واقعے کی تفتیش کرسکیں۔
