بابراعظم کی ون ڈے رینکنگ میں حکمرانی برقرار

آئی سی سی نے مینز پلیئررینکنگ جاری کردی ہے۔

آئی سی سی رینکنگ میں قومی ٹیم کے کپتان بابراعظم بدستور پہلی پوزیشن پر برقرار ہیں۔

نیدرلینڈز کے خلاف پہلے ون ڈے میچ میں بہترین پرفارمنس دینے کے بعد بابراعظم کے پوائنٹس میں اضافہ ہوا ہے۔

بابر اعظم نے نیدرلینڈز کے خلاف پہلے ون ڈے میچ میں 74 رنز کی اننگز کھیلی تھی جس کی بدولت ان کے رینکنگ پوائنٹس میں مزید بہتری آئی ہے اور ان کے پوائنٹس 891 ہوگئے ہیں۔

ٹیسٹ رینکنگ میں بابر اعظم تیسرے نمبر پر ہیں اور ان کے 879 پوائنٹس ہیں۔

ٹی 20 رینکنگ میں بھی بابر اعظم پہلے نمبر پر ہیں اور ان کے 818 پوائنٹس ہیں۔

ون ڈے رینکنگ میں پاکستان کے اوپننگ بلےباز امام الحق کے 800 پوائنٹس ہیں اور وہ دوسرے نمبر پر ہیں۔ ویرات کوہلی 767 پوائنٹس کے ساتھ 5 ویں نمبر پر ہیں۔

فخر زمان کے 710 پوائنٹس ہیں اور ان کا 11 واں نمبر ہے۔

Load/Hide Comments

اپنا تبصرہ بھیجیں