آئی سی سی ٹی ٹوئنٹی رینکنگ میں بابر اعظم دوسری سے تیسری پوزیشن پر چلے گَئے۔
آئی سی سی نے ٹی ٹوئنٹی رینکنگ جاری کر دی۔ بابر اعظم کی رینکنگ میں ایک درجہ تنزلی ہوئی ہے۔ قومی ٹیم کے کپتان بیٹرز میں دوسری سے تیسری پوزیشن پر چلے گئے۔
محمد رضوان کی بلے بازوں میں پہلی پوزیشن برقرار ہے۔ بالنگ رینکنگ میں حارث روف نو درجے ترقی سے 25ویں اور محمد نواز 7 درجے بہتری سے 34ویں پوزیشن پر آ گئے ہیں۔
ایشیا کپ میں متاثر کن کارکردگی نہ دکھانے کے باعث گزشتہ ہفتے بابراعظم پہلی سے دوسری پوزیشن پر آ گئے تھے اور محمد رضووان نے پہلی پوزیشن حاصل کی تھی۔ بابر اعظم ایک ہزار سے زائد دنوں تک نمبر ون ٹی ٹوئنٹی بیٹر رہ چکے ہیں۔
