آسٹریلیا کے وائٹ بال اسکواڈ کے ارکان دو گروپس میں پاکستان سے روانہ ہوں گے۔
پہلا گروپ کچھ دیر بعد لاہور سے روانہ ہو گا جبکہ دوسرا بڑا گروپ سہہ پہر میں روانہ ہو گا۔کپتان ایرن فنچ ، شون ایبٹ ، جیسن بحرنڈورف اور مارکوس اسٹونئس کچھ دیر میں براستہ دبئی ممبئی کے لیے روانہ ہوں گے جبکہ مارنوس لبو شین دبئی سے لندن جائیں گے۔
اسکواڈ کے بقیہ ارکان سہہ پہر کو براستہ دوحا اپنے مقامات کے لیے روانہ ہوں گے۔واضح رہے کہ لاہور میں گزشتہ شب کھیلا گیا سیریز کا واحد ٹی ٹوئنٹی میچ آسٹریلیا نے 3 وکٹوں سے جیت لیا۔
