سعودی عرب پاکستان میں اعلان کردہ دس ارب ڈالر کی سرمایہ کاری مزید بڑھانے پر آمادہ ہو گیا۔
سعودی خبر ایجنسی کے مطابق سعودی عرب کے ولی عہد شہزادہ محمد بن سلمان نے پاکستان میں سرمایہ کاری بڑھانے کا جائزہ لینے کی ہدایت کردی۔
سعودی ولی عہد نے ایس ایف ڈی کو اسٹیٹ بینک میں ڈپازٹ کی رقم بھی بڑھانے پر غور کی ہدایت کی ہے۔
سعودی میڈیا کا بتانا ہے کہ دسمبر 2022 میں اسٹیٹ بینک میں ڈپازٹ کی رقم 5 ارب ڈالر کردی گئی تھی۔
#BREAKING: Crown Prince Mohammed bin Salman directs to study increasing #Saudi investment in #Pakistan to $10 billion pic.twitter.com/GI3f6alOz1
— Saudi Gazette (@Saudi_Gazette) January 9, 2023
رپورٹس کے مطابق سعودی ولی عہد اور وزیراعظم شہباز شریف کے درمیان حالیہ روابط کے تناظر میں یہ اعلان سامنے آیا ہے۔
واضح رہے کہ سعودی عرب نے گزشتہ سال پاکستان میں 10 ارب ڈالر کی سرمایہ کاری کا اعلان کیا تھا۔
