قومی کرکٹ ٹیم کے جارح مزاح بیٹر آصف علی نے آسٹریلوی ٹی ٹوئنٹی لیگ بگ بیش میں دھواں دار بیٹنگ کر ڈالی۔
30 سالہ آصف علی نے ہوبارٹ ہری کینز کی نمائندگی کرتے ہوئے 13 گیندوں پر 3 چھکے اور 4 چوکوں کی مدد سے 41 رنز کی باری کھیلی۔
آصف علی عمدہ اننگز کھیلنے کے باوجود اپنی ٹیم کو میچ نہ جتوا سکے اور ہوبارٹ سڈنی سکسرز سے چھ رنز سے ہار گیا۔
بارش کے باعث 13 اوورز تک محدود میچ میں سڈنی سکسرز نے پہلے بیٹنگ کرتے ہوئے 138 رنز کا ہدف دیا۔
ہوبارٹ کی جانب سے شاداب خان نے دو کھلاڑیوں کو آؤٹ کیا۔ ہدف کے تعاقب میں ہوبارٹ کا آغاز مایوس کن رہا تاہم آصف علی کی جارحانہ بیٹنگ نے جیت کی امید بڑھا دی۔
آصف علی کے آؤٹ ہوتے ہی کوئی بھی دوسرا بیٹر بڑی باری کھیلنے میں ناکام رہا اور یوں سڈنی نے چھ رنز سے فتح سمیٹ لی۔
