دبئی میں دنیا کا گہرا ترین جدید سوئمنگ پول کھول دیا گیا ہے۔
غیر ملکی خبر رساں ادارے کے مطابق 60 میٹر یعنی 196 فٹ گہرے سوئمنگ پول کو گنیز ورلڈ ریکارڈ نے تصدیق کر کے دنیا کا گہرا ترین پول قرار دیا ہے۔
اس سوئمنگ پول میں تقریباً 14 ملین لیٹر پانی بیک وقت موجود ہوتا ہے یعنی وہاں اندرونی طور پر ایک طرح کا شہر آباد ہے جہاں فری ڈائیونگ اور اسکوبا ڈائیونگ میں دلچسپی رکھنے والے افراد کی مدد کے لئے تربیت یافتہ عملہ بھی موجود ہے۔
پول کے مختلف مقامات میں زیر آب 56 اقسام کے کیمرے نصب کیے گئے ہیں جبکہ اس میں مختلف ان ڈور گیمز، شاندار آرکیڈ اور عمارات کا نظارہ بھی ہو سکے گا۔
