پاکستان جونیئر لیگ کے پہلے ایڈیشن میں گروپ سٹیج کے میچز گزشتہ روز اختتام پذیر ہو گئے۔
آخری گروپ میچ میں گوادر شارکس نے مردان واریئرز کو 77رنز سے شکست دی۔ نیوز ویب سائٹ’پروپاکستانی‘ کے مطابق گروپ میچز میں گوادر شارکس نے اپنے پانچ میں سے چار میچ جیت کر 8پوائنٹس حاصل کیے، جبکہ بہاولپور رائلز، راولپنڈی رائیڈرز اور مردان واریئرز نے چھ، چھ پوائنٹس حاصل کیے۔
پاکستان جونیئرلیگ کا کوالیفائیر 18اکتوبر کو شام 6بجے گوادر شارکس اور بہاولپور رائلز کے مابین ہو گیا۔ پہلا ایلیمینیٹر 19اکتوبر کو شام 6بجے بہاولپور رائلز اور مردان واریئرزکے درمیان اور دوسرا ایلیمینیٹر 20اکتوبر کو شام 6بجے رنر اپ کوالیفائیراور پہلا ایلیمینیٹر جیتنے والی ٹیموں کے درمیان ہو گا جبکہ فائنل میچ 21اکتوبر کو کوالیفائیر اور دوسرا ایلیمینیٹر جیتنے والی ٹیموں کے درمیان ہو گا۔
