پاکستان اور بھارت کے درمیان ایشیا کپ میں گزشتہ روز کھیلے جانے والے میچ میں بھارتی کھلاڑی ہاردیک پانڈیا کی آل راؤنڈر کارکردگی کی بدولت بھارت نے پاکستان کو شکست دی تھی۔
ہاردیک پانڈیا نے پہلے بولنگ میں پاکستان کے3 کھلاڑیوں کو آؤٹ کیا اور پھرشاندار بیٹنگ کا مظاہرہ کرتے ہوئے مین آف دی میچ کا ایوارڈ اپنے نام کیا۔
Hardik Pandya having fun with Mohammad Rizwan. pic.twitter.com/2Ck04Soa0K
— Mufaddal Vohra (@mufaddal_vohra) August 28, 2022
بھارتی آل راؤنڈر ہاردیک پانڈیاکی بیٹنگ اور بولنگ کے ساتھ میچ کے دوران قومی وکٹ کیپر بلے باز محمد رضوان کو پیچھے سے گلے لگانے کے عمل کا خوب چرچہ ہو رہا ہے۔
میچ کے دوران ہاردیک پانڈیا نے اچانک محمد رضوان کو گلے لگا یا تھا، اس عمل پر محمدرضوان ہنس دیے تھے۔
ہاردیک پانڈیا کی جانب سے محمد رضوان کو گلے لگانے کی تصویر سوشل میڈیا پر وائرل ہوگئی اور سرحد کے دونوں پار سےاس کی تعریف کی گئی۔
واضح رہے کہ پچھلے دونوں پریکٹس میچ کے دوران بھارتی کھلاڑیوں نے شاہین شاہ آفریدی کی خیریت دریافت کی تھی۔
اس سے قبل بابراعظم کی کوہلی اور روہت شرما کی ویڈیوز بھی وائرل ہو چکی ہیں۔
