امریکی ایوان کی اسپیکر نینسی پیلوسی کے تائیوان دورے کے بعد جزیرے کو گھیرنے کیلئے چین نے اب تک کی سب سے بڑی فوجی مشقیں جمعرات کو شروع کردی ہیں، اور اہم بین الاقوامی جہاز رانی کے راستوں کو گھیر کر طاقت کا مظاہرہ کیا ہے۔
بدھ کے روز پیلوسی کے تائیوان دورے پر چین کا سخت ردعمل دیکھنے کو ملا، پیلوسی 25 سالوں میں تائیوان کا دورہ کرنے والی اعلیٰ ترین منتخب امریکی اہلکار تھیں۔
پیلوسی نے بیجنگ کی جانب سے ایک شدید ردعمل کو جنم دیا، چین نے “سزا” کا عہد کرتے ہوئے تائیوان کے آس پاس کے سمندروں میں فوجی مشقوں کا اعلان کیا جو دنیا کے کچھ مصروف ترین آبی راستے ہیں۔
چینی سرکاری میڈیا کے مطابق، یہ مشقیں رات 12 بجے کے قریب شروع ہوئیں، جن میں “لائیو فائرنگ” کا مظاہرہ شامل ہے۔
ریاستی نشریاتی ادارے سی سی ٹی وی نے رپورٹ کیا کہ، “اس حقیقی جنگی مشق کے لیے جزیرے کے آس پاس کے چھ بڑے علاقوں کا انتخاب کیا گیا ہے اور اس عرصے کے دوران متعلقہ بحری اور ہوائی جہاز آبی اور فضائی حدود میں داخل نہیں ہونے چاہئیں۔”
سرحدی جزیرے پنگٹن میں اے ایف پی کے صحافیوں نے کئی چھوٹے پراجیکٹائل کو آسمان میں اڑتے دیکھا جس کے بعد سفید دھوئیں کے بادل اور بلند آوازیں بھی سنی گئیں۔
اے ایف پی اس پوزیشن میں نہیں تھی کہ ان پراجیکٹائلز کی شناخت اور درست سمت کا تعین کر سکے، جنہیں قریبی فوجی تنصیبات سے فائر کیا گیا تھا۔
مشقیں تائیوان کے آس پاس کے متعدد زونز (کچھ مقامات پر ساحل سے صرف 20 کلومیٹر (12 میل) کے اندر) میں جاری ہیں اور اتوار کی دوپہر کو اختتام پذیر ہوں گی۔
تائیوان کی وزارت دفاع نے کہا کہ وہ مشقوں پر گہری نظر رکھے ہوئے ہے۔
انہوں نے ایک بیان میں کہا کہ، “وزارت قومی دفاع اس بات پر زور دیتی ہے کہ وہ جنگ کے بغیر جنگ کی تیاری کے اصول کو برقرار رکھے گی، اس رویے کے ساتھ کہ تنازعات میں اضافہ نہ کیا جائے اور مزید تنازعات پیدا نہ کیے جائیں۔”
بیجنگ کے سرکاری ٹیبلائیڈ گلوبل ٹائمز نے فوجی تجزیہ کاروں کا حوالہ دیتے ہوئے کہا کہ یہ مشقیں “بے مثال” تھیں اور یہ کہ میزائل پہلی بار تائیوان کے اوپر سے اڑیں گے۔
اخبار نے چینی فوج کے رسمی نام پیپلز لبریشن آرمی کا استعمال کرتے ہوئے کہا کہ “یہ پہلا موقع ہے جب پی ایل اے آبنائے تائیوان کے پار براہ راست طویل فاصلے تک مار کرنے والے توپ خانے کو لانچ کرے گا۔”
تائیوان کے میری ٹائم اور پورٹ بیورو نے بدھ کے روز بحری جہازوں کو انتباہ جاری کیا کہ وہ ان علاقوں سے بچیں جو چینی مشقوں کے لیے استعمال ہو رہے ہیں۔
تائیوان کی کابینہ نے کہا کہ مشقیں اس کے فلائٹ انفارمیشن ریجن (ایف آئی آر) سے گزرنے والے 18 بین الاقوامی راستوں میں خلل ڈالیں گی۔
ہانگ کانگ کے کیریئر کیتھے پیسیفک نے کہا کہ اس نے اپنے طیاروں کو حکم دیا ہے کہ “تائیوان کے علاقے کے ارد گرد نامزد فضائی حدود سے گزرنے سے گریز کریں”۔
یہ مشقیں کرہ ارض کے کچھ مصروف ترین جہاز رانی کے راستوں پر ہوں گی، جو مشرقی ایشیائی فیکٹری حبز میں تیار ہونے والے اہم سیمی کنڈکٹرز اور الیکٹرانک آلات کو عالمی منڈیوں کو فراہم کرنے کے لیے استعمال ہوتے ہیں۔
بیجنگ نے مشقوں کا دفاع “ضروری اور منصفانہ” کے طور پر کیا ہے، اور امریکہ اور اس کے اتحادیوں پر بڑھتی ہوئی کشیدگی کا الزام لگایا ہے۔
ایک چینی فوجی ذریعے نے اے ایف پی کو یہ بھی بتایا کہ مشقیں “حقیقی لڑائی کی تیاری میں” کی جائیں گی۔
“اگر تائیوان کی افواج جان بوجھ کر پی ایل اے کے ساتھ رابطے میں آتی ہیں اور غلطی سے بھی فائر کرتی ہے، تو پی ایل اے سخت جوابی اقدامات کرے گی، اور تمام نتائج تائیوان کو بھگتنے ہوں گے۔”
تائیوان کے 23 ملین لوگ طویل عرصے سے حملے کے امکان کے ساتھ زندگی گزار رہے ہیں، لیکن یہ خطرہ صدر شی جن پنگ کے دور میں شدت اختیار کر گیا ہے، جو ایک چین کے سب سے زیادہ باوقار حکمران ہیں۔
