سابق ویسٹ انڈین فاسٹ بولر اور معروف کا منٹیٹر این بشپ بھی ملتان کے آم کے فین ہوگئے۔
این پشب ان دنوں پاکستان اور ویسٹ انڈیز کے درمیان کھیلی گئی ون ڈے سیریز میں کامنٹری کی ذمہ داریاں نبھانے کیلئے ملتان میں موجود تھے۔
گزشتہ دنوں پاکستان کرکٹ بور ڈ کے یو ٹیوب چینل پر ایک ویڈیو پوسٹ کی گئی جس میں این بشپ کو سابق پاکستانی کرکٹر بازید خان کے ہمراہ ملتان کے مشہور آم کھاتے ہوئے دیکھا گیا۔
ویڈیو میں دیکھا گیا کہ این بشپ سفید چونسا اور سندہڑی آم کے ذائقے سے لطف اندوز ہوئے۔اس موقع پر ان کا کہنا تھا کہ ملتان کا سفید چونسہ بہت مزے دار ہے۔
واضح رہے کہ پاکستان نے اتوار کو کھیلے گئے تین ایک روزہ میچوں کی سیریز کے آخری میچ میں ویسٹ انڈیز کو شکست دے کر کلین سوئپ کرلیا۔
پاکستان کے 270 رنز کے ہدف کے تعاقب میں ویسٹ انڈیز کی پوری ٹیم 38 ویں اوور میں 216 رنز بناکر آؤٹ ہوگئی۔عقیل حسین 60 رنز بناکر نمایاں رہے۔
