بالی ووڈ اداکارہ عالیہ بھٹ نے اپنے انسٹاگرام پر ایک دلچسپ ویڈیو شیئر کی ہے۔
اداکارہ عالیہ بھٹ نے اپنی آنے والی فلم ڈارلنگز کے بارے میں ایک بڑی اپڈیٹ شیئر کر دی ہے۔
یاد رہے کہ عالیہ اس فلم کے ذریعہ پروڈکشن کے میدان میں پہلا قدم رکھنے جارہی ہیں۔
اداکار عالیہ بھٹ نے بتایا ہے کہ پروڈیوسر کے طور پر ان کی پہلی فلم ڈارلنگز کا پریمیئر اسٹریمنگ پلیٹ فارم نیٹ فلکس پر ہوگا۔
فلم ڈارلنگز، ایک ڈارک کامیڈی فلم ہے، جس کی ہدایتکاری مصنف جسمیت کے رین نے کی ہے، یہ بطور ہدایتکار ان کی پہلی فلم ہے۔
29 سالہ اداکار سپر اسٹار شاہ رخ خان کی ریڈ چلیز انٹرٹینمنٹ کے ساتھ مل کر اپنے بینر ایٹرنل سنشائن پروڈکشن کے ذریعے اس فلم کو پروڈیوس کرنے کے ساتھ اداکاری بھی کررہی ہیں۔
اداکارہ نے ایک پروموشنل ویڈیو شیئر کرتے ہوئے لکھا کہ ‘ ہے ڈارلنگ، میں آپ سب کو کچھ بڑی چیز بتانا چاہتی ہوں لیکن یہاں نیٹ ورک اچھا نہیں ہے، ہیلو ۔۔۔ہیلو؟’۔ اس فلم میں شیفالی شاہ، وجے ورما اور روشن میتھو بھی نظر آنے والے ہیں۔
