پاکستانی ڈرامہ انڈسٹری کی معروف اداکارہ ایمن خان نے شادی کے 4 سال بعد انسٹاگرام پر اپنا نام تبدیل کرلیا۔
اداکارہ ایمن خان کے فوٹو اور ویڈیو شیئرنگ ایپ انسٹاگرام پر 10.2 ملین فالوورز ہیں، اداکارہ نے شادی کے چار سال بعد اپنے نام کے ساتھ شوہر منیب بٹ کا نام لگالیا۔
اداکارہ کا یوزر نیم انسٹاگرام پر پہلے ’ایمن خان تھا‘ جبکہ اب انہوں نے اپنا نام تبدیل کرتے ہوئے ’ایمن منیب‘ لکھ لیا ہے۔
ایمن خان کے اس عمل پر ان کے مداح خوشی کا اظہار کررہے ہیں۔
واضح رہے کہ ایمن خان کی اداکار منیب بٹ سے 2018 کی 21 نومبر کو شادی ہوئی تھی، اس جوڑے کی ایک بیٹی امل منیب بھی ہے۔
ایمن خان کو اکثر اوقات ہی ایک کامیاب اداکارہ، بیوی اور ماں ہونے پر فنکاروں اور مداحوں کی جانب سے سراہا جاتا ہے۔
