سوشل میڈیا صارفین نے اب بھارتی اداکار عمران ہاشمی کا ہمشکل ڈھونڈ لیا ہے۔
آج کل مشہور شخصیات کے ہمشکل افراد کی تصاویراور ویڈیوز کا انٹرنیٹ پر وائرل ہونا ایک معمول بن گیا ہے اور ہر تھوڑے عرصے کے بعد کسی نہ کسی نامور شخص کا ہمشکل سامنے آجاتا ہے۔
اس بار بھارت کے مشہور اداکار عمران ہاشمی کے ہمشکل کی تصاویر انٹرنیٹ پر وائرل ہوئی ہیں۔
مزدک جان نامی شخص جوکہ عمران ہاشمی کا ہمشکل ہے، اس کا تعلق پاکستان کے شہر پشاور سے ہے۔
مزدک جان نے اس حوالے سے انٹرویو دیتے ہوئے کہا ہے کہ’اُنہیں بہت اچھا لگتا ہے جب لوگ ان کے ساتھ سیلفیز لیتے ہیں اور ان سے بات کرنا چاہتے ہیں‘۔
اُنہوں نے کہا کہ’وہ اسٹار بنے بغیر اسٹار ہیں اور وہ اس پر بہت خوش ہیں‘۔
عمران ہاشمی کے اس ہمشکل کی تصویر انٹرنیٹ پر وائرل ہوتے ہی سوشل میڈیا صارفین کی جانب سے دلچسپ تبصروں کا سلسلہ بھی شروع ہوگیا ہے۔
