پاکستان کی معروف گلوکارہ قرۃالعین بلوچ کا نیا گانا ٹھگیاں مداحوں کے دلوں کو بھا گیا۔
کوک اسٹوڈیو سیزن 14 میں یہ گانا پیش کیا گیا ہے جسے زوہیب علی، زین علی اور عاصم رضا نے لکھا ہے جبکہ اس گانے کے ذریعے قرة العین بلوچ نے بھی کوک اسٹوڈیو میں واپسی کی ہے۔
ٹھگیاں پنجابی زبان کا گانا ہے، اس سے قبل بھی کوک اسٹوڈیو سیزن 14 کے تحت پنجابی زبان کے متعدد گانے ریلیز کیے جا چکے ہیں۔
اس گانے کی ریلیز کے کچھ گھنٹوں بعد ہی اسے بہترین ویوز مل گئے اور مداحوں کی جانب سے بھی اس گانے کو بے حد پسند کیا جا رہا ہے۔
واضح رہے کہ کوک اسٹوڈیو سیزن 14 میں گانوں کی نشریات کا سلسلہ جاری ہے اور ایک کے بعد ایک بہترین گانے پیش کیے جا رہے ہیں۔
