راولپنڈی: بارش کے باعث پاکستان و آسٹریلیا کی ٹیموں کا آج ہونے والا پریکٹس سیشن منسوخ کردیا گیا ہے۔
پاکستان اور آسٹریلیا کی کرکٹ ٹیموں کے درمیان 4 مارچ سے ٹیسٹ سیریز کا آغاز ہونے جارہا ہے جس کے لیے دونوں ٹیموں نے کل سے راولپنڈی میں پریکٹس شروع کردی ہے۔
تاہم آج راولپنڈی میں وقفے وقفے سے بارش کا سلسلہ جاری ہے جس کے باعث دونوں ٹیموں کا آج ہونے والا پریکٹس سیشن منسوخ کردیا گیا ہے۔
واضح رہے کہ پاکستان اورآسٹریلیا کے درمیان 3 میچوں پر مشتمل ٹیسٹ سیریز کا پہلا میچ 4 مارچ سے 8 مارچ کے دوران راولپنڈی کرکٹ اسٹیڈیم میں کھیلا جائے گا۔
ٹیسٹ سیریز میں شامل دوسرا ٹیسٹ 12 مارچ سے 16 مارچ کے دوران کراچی کے نیشنل اسٹیڈٰیم میں کھیلا جائے گا جبکہ تیسرا اورآخری ٹیسٹ 21 مارچ سے 25 مارچ کے دوران لاہور کے قذافی اسٹیڈیم میں کھیلا جانا ہے۔
علاوہ ازیں آسٹریلیا کے دورہ پاکستان کے دوران 3 ون ڈے میچز پر مشتمل سیریز بھی کھیلی جائے گی جس کے میچز 29 مارچ سے 2 اپریل کے دوران راولپنڈی میں کھیلے جائیں گے۔
دورہ پاکستان میں شامل واحد ٹی ٹوئنٹی میچ آسٹریلیا کی ٹیم 5 اپریل کو راولپنڈٰی میں کھیلے گی۔
