رکن ممالک کے اعتراضات پر فیفا نے روس کو ورلڈ کپ سے باہر کر دیا

فٹ بال کی عالمی تنظیم فیفا نے رکن ممالک کے اعتراضات پر روس کی ٹیم کو ورلڈ کپ کے ایونٹ سے باہر کر دیا ہے۔

فیفا اور یورپئین فٹ بال ایسوسی ایشن نے مشترکہ اعلان میں کہا ہے کہ روس اب عالمی سطح پر فٹ بال کے کسی بھی ایونٹ میں شرکت نہیں کر سکے گا۔

واضح رہے کہ اب سے چند گھنٹے قبل فیفا نے روس کی فٹ بال ٹیم کو اپنے ملک کا نام اور جھنڈا استعمال کئے بغیر فٹ بال ایونٹس میں شرکت کی اجازت دی تھی۔

فیفا کے اس فیصلے پر متعدد ممالک کی فٹ بال فیڈریشن نے اعتراض کیا تھا اور کہا تھا کہ روس کی فٹ بال ٹیم پر مکمل پابندی عائد کی جائے۔

فیفا نے چند گھنٹوں بعد رکن ممالک کے اعتراضات پر اپنا فیصلہ تبدیل کر لیا ہے اور اب روس پر مکمل پابندی عائد کر دی ہے۔

جبکہ یورپ کی فٹ بال فیڈریشن یوئیفا نے بھی روس کی ٹیم پر مکمل پابندی عائد کر دی ہے۔ یوئیفا نے روس کی ایک کمپنی کے ساتھ کئے گئے اسپانسر شپ معاہدے کو بھی منسوخ کر دیا ہے.

یوئیفا کے ساتھ روس کی ایک توانائی کمپنی گیزپروم کے ساتھ تقریباً 40 ملین یورو فی سیزن کا معاہدہ تھا جو 2012 سے جاری تھا۔

Load/Hide Comments

اپنا تبصرہ بھیجیں