پی ایس ایل کاٹائٹل جیتنے پرشاہد آفریدی بھی شاہین شاہ آفریدی کو داد دیے بغیر نہ رہ سکے۔
پی ایس ایل سے پہلے شاہین آفریدی کو لاہور قلندرز کی کپتانی سنبھالنے سے منع کرنے والے شاہد آفریدی اب ان کی تعریف میں مصروف نظر آتے ہیں۔
شاہد آفریدی نے شاہین شاہ آفریدی کو پی ایس ایل کا فائنل جیتنے پر مبارکباد دی۔ انہوں نےشاہین آفریدی کی طرز قیادت کی بھی تعریف کی۔
لاہور قلندرز نے ملتان سلطانز کو فائنل میں ہرا کر پی ایس ایل 7 کی ٹرافی اٹھائی تو شاہد آفریدی نے تبصرہ کرتے ہوئے ٹویٹ کیا۔
AMAZING Lahore Qalandars!! 👏👏👏 Congratulations Shaheen Shah Afridi you are a champion indeed. The entire Qalandars squad and in fact entire Lahore deserves this! Buhut Mubarak.
— Shahid Afridi (@SAfridiOfficial) February 27, 2022
انہوں نے کہا کہ مبارک ہو شاہین، آپ یقیناً چیمپئن ہیں بلکہ قلندرز کا پورا اسکواڈ ہی چیمپئن ہے۔ یہاں تک کہ پورا لاہور اس جیت کا حق دار تھا۔
یاد رہے کہ ایونٹ کے آغاز سے قبل جب لاہور قلندرز کی مینجمنٹ نے ٹیم کی کپتانی شاہین آفریدی کے سپرد کی تو شاہد آفریدی نے کہا تھا کہ میں نے شاہین کو کپتانی سنبھالنے سے منع کیا لیکن وہ بھی میری طرح پٹھان ہے اور کسی کی نہیں سنتا۔
