سابق کپتان شاہد آفریدی نے پی ایس ایل 7 کی ٹیم لاہور قلندرز کے کپتان اور اپنے ہونیوالے داماد شاہین آفریدی سے متعلق گفتگو کی ہے۔
سوشل میڈیا پر شاہد آفریدی کا ایک ورچوئل انٹرویو وائرل ہورہا ہے جس میں سابق کپتان نے بتایا کہ شاہین کی بیٹنگ کے دوران انہوں نےدعا بھی کی۔
شاہد آفریدی نے کہا کہ پشاور زلمی کے خلاف میچ میں شاہین نے جب شاٹ کھیلا تو مجھے پتا تھا کہ بال مڈل نہیں ہوا، تھوڑا سا بال بلے کے اوپر لگا ہے جس کے بعد میں نے اللہ سے دعا کی یااللہ اس بال کو باہر بھجوادے۔
سابق کپتان نے کہا کہ اس روز میں شاہین کے شاٹ پر پُراعتماد نہیں تھا کہ یہ چھکا ہوجائےگا۔
دورانِ گفتگو اسٹار آل راؤنڈر نے ایک بار پھر شاہین آفریدی کی پی ایس ایل 7 میں کارکردگی کی تعریف کی۔
