پاکستانی وی جے ، اداکارہ و ماڈل انوشے اشرف نے کہا ہے کہ اگر مجھے 50 لاکھ ملیں تو بھی میں خلیل الرحمان قمر کے ساتھ کام نہیں کروں گی۔
میڈیا رپورٹس کے مطابق حال ہی میں انوشے اشرف تابش ہاشمی کے شو “ٹو بی ہونسٹ” میں نظر آئیں اور ان کا کلپ آج کل سوشل میڈیا پر کافی وائرل ہورہا ہے۔
انٹرویو کے دوران میزبان نے سوال کیا کہ ’اگر کوئی آپ کو خلیل الرحمان ڈرامے کے لیے 25 سے 30 لاکھ یومیہ کی پیشکش کرے تو آپ کیا کریں گے؟ جواب میں، وی جے نے کہا کہ ‘میں ایسا کبھی نہیں کرونگی’۔
انوشے نے مزید کہا کہ اگر مجھے 50 لاکھ کی پیشکش بھی کی جائے تو بھی میں خلیل الرحمان کے پراجیکٹ پر کبھی کام نہیں کروں گی۔
واضح رہے کہ ڈرامہ رائیٹر خلیل الرحمان اپنے مزاج اور کسی بھی عورت کے ساتھ بدتمیزی کرنے کے لیے بھی جانے جاتے ہیں جو ان سے اختلاف کرنے کی جرات کرتی ہے۔
خلیل الرحمان کے بلا ک بسٹر ڈراموں میں میرے پاس تم ہو، پیارے افضل، محبت تم سے نفرت ہے اور صدقے تمہارے شامل ہیں۔
