اپنے’انتقال’کی خبرپرعلی گُل پیرکاردعمل

معروف کامیڈین اورگلوکاروریپرعلی گُل پیرکودُنیا میں رہتے ہوئےاپنے ہی انتقال کی خبرموصول ہوگئی۔

ریٹنگ کے چکرمیں کھمبیوں کی طرح اُگنے والے یوٹیوب چینلز میں سے متعدد ایسے ہیں جن سےجو امُید رکھی جائے کم ہے، کہیں یہ بیٹھے بٹھائے کسی کی شادی یا طلاق کروادیتے ہیں تو کہیں جیتے جاگتے انسان کو عالم ارواح میں پہنچانے سے بھی گریز نہیں کرتے۔

ایساہی کچھ علی گُل پیرکے ساتھ ہوا جنہوں نے ایسے ہی ایک یوٹیوب چینل کا اسکرین ساٹ شیئرکرتے ہوئے مداحوں کواپنے ‘انتقال پُرملال’ کی اطلاع پہنچائی.

بہترین حس مزاح رکھنے والے علی گُل پیر اکثروبیشتر ہی اپنی پیروڈی ویڈیوز یا نقالی سے بھرپورطریقے سے محظوظ کرتے رہتے ہیں،سو یہاں بھی انہوں نے دلچسپ تبصرہ کرتے ہوئے اپنے فالوورزکو بھی لطف اندوزہونے کا موقع فراہم کیا۔

علی نے کیپشن میں لکھا، ‘جی ہاں، میں مرچکاہوں اورقبرسے ٹوئٹ کررہا ہوں’۔

اس کیپشن پرفالوورزنے بھی دلچسپ تبصرے کیے، کہیں علی کو قبرمیں بھی سکون نہ ہونے کا طعنہ دیا گیا تو کہیں مرنے کے بعد کے حالات پوچھے گئے۔

Load/Hide Comments

اپنا تبصرہ بھیجیں