دیگر صوبوں کی طرح صوبہ خیبرپختونخوا میں بھی اومیکرون کے وار جاری ہیں۔
محکمہ صحت کی جاری کردہ رپورٹ کے مطابق صوبے میں گزشتہ روز مزید 4 افراد میں اومیکرون وائرس کی تصدیق ہوئی ہے۔
محکمہ صحت کے مطابق خیبرپختونخوا میں اومیکرون وائرس سے متاثرہ مریضوں کی تعداد 407 تک پہنچ گئی ہیں، اب تک کے پی کے میں 154 خواتین اور 249 مرد اومیکرون سے متاثر ہوئے ہیں۔
واضح رہے کہ اومیکرون وائرس سے سب سے زیادہ پشاور متاثر ہوا ہے۔
اومیکرون نظام تنفس کی نالی کے اوپری حصے یعنی حلق کے خلیات پر اثر انداز ہوتاہے اور پھیپھڑوں تک جانے کے بجائے حلق میں ہی اپنی تعداد تیزی سے بڑھاتا ہے۔
اگر یہ وائرس ایک بار کسی فرد میں داخل ہوکر حلق میں اپنی تعداد بڑھاتا ہے تو اس طرح اس کے پھیلنے کی رفتار کئی گنا تیز ہوسکتی ہے یہی وجہ ہے اومیکرون بہت تیزی پھیل رہا ہے۔
کورونا وائرس کی سابقہ اقسام پھیپھڑوں کو زیادہ متاثر کرتی تھی اسی لئے وہ کم متعدی لیکن جان لیوا تھی۔
تاہم اومیکرون سانس کی نالی کے خلیات پر اثرانداز ہوتا اور انہیں زیادہ متاثر کرتا ہے اسی لئے ایسے تمام افراد جو اومیکرون سے متاثر ہوتے ان میں بیماری کی شدت کافی کم ہوتی ہیں اور ہسپتال جانے کی ضرورت پیش نہیں آتی۔
