پاکستان سپر لیگ (پی ایس ایل) 7 کا ساتواں میچ کوئٹہ گلیڈی ایٹرز اور ملتان سلطانز کے درمیان کھیلا جارہا ہے، جہاں کوئٹہ گلیڈی ایٹرز نے ٹاس جیت کر بولنگ کا فیصلہ کیا ہے اور ملتان سلطانز کی بیٹنگ جاری ہے۔
کراچی کے نیشنل اسٹیڈیم میں کھیلے جارہے میچ میں کوئٹہ کے کپتان سرفراز احمد نے ٹاس جیت کر ملتان کو بیٹنگ کی دعوت دی۔
اس موقع پر سرفراز احمد کا کہنا تھاکہ کوشش کریں گےکم سے کم رنز پر آؤٹ کریں، ٹارگٹ حاصل کریں، ہمارے اوپنر اچھا کھیل رہےہیں۔
ان کا کہنا تھاکہ نسیم شاہ اچھی بولنگ کررہےہیں، یہ ان کے کیرئیر کیلئے بھی اچھا ہے۔
ملتان سلطانز کے کپتان رضوان احمد کا کہنا تھاکہ پچ کو دیکھتے ہوئے اگر ٹاس جیت جاتے تو بولنگ ہی کرتے، ٹیم میں ایک تبدیلی کی ہے اور احسان اللہ کی جگہ عباس آفریدی اسکواڈ میں شامل ہیں۔
