پاکستان سُپر لیگ (پی ایس ایل) کے ساتویں ایڈیشن میں مسلسل تین بار شکست کا سامنا کرنے والی ٹیم کراچی کنگز کو نوجوان گلوکار عاصم اظہر نے اہم مشورہ دے دیا۔
مائیکرو بلاگنگ سائٹ ٹوئٹر پر جاری کیے گئے پیغام میں عاصم اظہر نے کہا کہ ’لاہور قلندرز نے بہت اچھا کھیلا۔‘
Well played Lahore 👏🏽 Karachi players need to step up big time! it’s difficult but not impossible. Tab tak anthem enjoy karo 😜
— Asim Azhar (@AsimAzharr) January 30, 2022
عاصم اظہر نے ہارنے والی ٹیم کراچی کنگز کے کھلاڑیوں کو مشورہ دیتے ہوئے کہا کہ ’کراچی کے کھلاڑیوں کو آگے بڑھنے کی ضرورت ہے، یہ مشکل ہے لیکن ناممکن نہیں۔‘
اُنہوں نے مزاحیہ انداز میں کہا کہ ’تب تک آپ اینتھم انجوائے کریں۔‘
واضح رہے کہ لاہور قلندرز نے پی ایس ایل سیون کے پہلے ٹاکرے میں کراچی کنگز کو 6 وکٹوں سے شکست دی جس میں فخر زمان نے شاندار سنچری اسکور کی۔
کراچی کنگز نے لاہور قلندرز کو جیت کے لیے 171 رنز کا ہدف دیا تھا جوکہ اس نے آخری اوور میں حاصل کیا۔
