پاکستان سپر لیگ(پی ایس ایل) 7 کے لیے پشاور زلمی کی ٹیم مینجمنٹ کا اعلان کر دیا گیا۔
ترجمان پشاور زلمی کے مطابق سابق انگلش کرکٹر جیمز فوسٹر کو ہیڈ کوچ اورسابق جنوبی افریقی کرکٹر ہاشم آملہ کو بیٹنگ کوچ مقرر کیا گیا ہے۔
ترجمان نے بتایا کہ ڈیرن سیمی پہلے مرحلے میں مصروفیات کے باعث دستیاب نہیں، اس لیے پی ایس ایل 7 کے لیے جیمز فوسٹر پشاور زلمی کا ہیڈکوچ مقرر کیا گیا ہے۔
جیمز فوسٹرزلمی کے ساتھ 2 سال اسسٹنٹ کوچ کے طور پر منسلک رہے ہیں، محمد اکرم ٹیم ڈائریکٹر اور باؤلنگ کوچ کے فرائض سر انجام دیں گے۔
ترجمان پشاور زلمی کے مطابق سابق کپتان انضمام الحق پشاور زلمی کے اعزازی صدر ہیں۔
چیئرمین پشاور زلمی جاوید آفریدی نے کہا ہے کہ ٹیم مینجمنٹ کے لیے نیک خواہشات کا اظہار کرتا ہوں۔
