پشاور زلمی کے چیئرمین جاوید آفریدی نے قومی خواتین کرکٹر فاطمہ ثناء کے لئے خصوصی ایوارڈ کا اعلان کیا ہے۔
تفصیلات کے مطابق جاوید آفریدی نے کہا کہ پشاور زلمی جانب سے فاطمہ ثنا ءکو حوصلہ افزائی کے لیے خصوصی انعام دیں گے
ان کا کہنا تھا کہ آئی سی سی ایوارڈز جیتنے والی فاطمہ ثناء پاکستانی خواتین کے لیے رول ماڈل ہیں ۔
واضح رہے کہ آئی سی سی نے پاکستانی کھلاڑی فاطمہ ثناء کو ویمنز ایمرجنگ کرکٹر آف دی ایئر قرار دیا ہے۔
انٹرنیشنل کرکٹ کونسل نے قومی ویمنز ٹیم کی کھلاڑی فاطمہ ثناء کو گذشتہ سال 24 وکٹیں لینے پر سال 2021 کی ویمنز ایمرجنگ کرکٹر آف دی ایئر قرار دیا گیا ہے۔
جاوید آفریدی نے آئی سی سی ایوارڈ جیتنے پر بابر اعظم ، محمد رضوان اور شاہین شاہ آفریدی کو بھی مبارک باد پیش کی۔
انہوں نے کہا کہ کھلاڑیوں نےایوارڈ جیت کر پاکستان کا نام روشن کیا ہے۔
