پاکستان سپر لیگ (پی ایس ایل) 7 کے لیے امپائر اور میچ ریفری پینل کا اعلان کر دیا گیا۔
امپائرنگ پینل میں دو بین الاقوامی امپائر رچرڈ ایلنگ ورتھ اور مائیکل گف کو بھی شامل کیا گیا ہے۔ ان کے علاوہ علیم ڈار، احسن رضا، فیصل آفریدی اور عمران جاوید بھی امپائرنگ پینل کا حصہ ہیں۔
سری لنکا کے رنجن مدوگالے پہلی بار ریفری کی ذمہ داریاں نبھائیں گے۔ وہ انٹرنیشنل کرکٹ کونسل کےچیف میچ ریفری ہیں۔
پی ایس ایل سیزن سیون کا آغاز 27 جنوری سے ہو گا اور اس سلسلے میں قذافی اسٹیڈیم میں بھی تیاریاں تقریباً مکمل کر لی گئی ہیں ۔
