طالبان حکومت نے افغانستان کے دارالحکومت کابل سے پکڑی گئی تقریباً 3 ہزار لیٹر شراب نالے میں بہا دی۔
افغان انٹیلی جنس ڈائریکٹوریٹ کی جانب سے ٹوئٹ کرائی گئی ویڈیو میں بتایا گیا ہے کہ اسپیشل یونٹ نے خفیہ اطلاع پر کابل کے ایک علاقے میں چھاپہ مار کر تقریباً 3 ہزار لیٹر شراب برآمد کی۔
ڈائریکٹوریٹ کے مطابق کارروائی میں 3 شراب ڈیلرز کو بھی گرفتار کیا گیا.
د ا.ا.ا د استخباراتو لوی ریاست ځانګړې عملیاتي قطعې د یو لړ مؤثقو کشفي معلومات پر اساس د کابل ښار کارته چهار سیمه کې درې تنه شراب پلورونکي له شاوخوا درې زره لېتره شرابو/الکولو سره یو ځای ونیول.
نیول شوي شراب له منځه یوړل شول او شراب پلورونکي عدلي او قضايي ارګانونو ته وسپارل شول. pic.twitter.com/qD7D5ZIsuL— د استخباراتو لوی ریاست-GDI (@GDI1415) January 1, 2022
ویڈیو میں دکھایا گیا ہے کہ طالبان کے اسپیشل یونٹ نے پکڑی گئی 3 ہزار لیٹر شراب نالے میں بہا دی ہے۔
دوسری جانب یہ واضح نہیں ہوسکا کہ ایجنسی نے چھاپا کب مارا اور شراب کو کب بہایاگیا؟
خیال رہے کہ 15 اگست 2021 کو طالبان کے افغانستان پر کنٹرول کے بعد ملک بھر میں منشیات کے عادی افراد کے خلاف چھاپوں میں غیرمعمولی اضافہ ہوا ہے۔
