قومی کرکٹر اور قائد اعظم ٹرافی میں خیبر پختون خوا کی ٹیم کی نمائندگی کرنے والے فخر زمان کی گراؤنڈ اسٹاف کے ہمراہ کھانا کھانے کی ویڈیو سوشل میڈیا پر وائرل ہوگئی ہے۔
فخر زمان نے گزشتہ روز قائداعظم ٹرافی کرکٹ ٹورنامنٹ کے فائنل کے آخری دن اننگز بریک کے دوران کراچی کے نیشنل اسٹیڈیم میں گراؤنڈ اسٹاف کے ہمراہ کھانا کھایا۔
Stay true in the Dark and Humble in the Spotlight . True Qalandar @FakharZamanLive ❤️se https://t.co/cNMjcZToC0
— Sameen Rana (@sameenrana) December 29, 2021
لاہور قلندرز کے چیف آپریٹنگ آفیسر اور ٹیم منیجر ثمین رانا نے اس ویڈیو پر تبصرہ کرتے ہوئے فخر زمان کو حقیقی قلندر قرار دیا۔
فخر زمان کی ویڈیو پر صارفین تبصرہ کرتے ہوئے انہیں ہیرو کہہ رہے ہیں اور ان کی عاجزی کو بھی خوب پزیرائی مل رہی ہے۔
خیال رہے کہ خیبر پختونخواہ نے اپنے اعزاز کا کامیاب دفاع کرتے ہوئے پانچویں بار قائد اعظم ٹرافی کرکٹ ٹورنامنٹ کا ٹائٹل جیت لیا ہے، کے پی نے دو سال میں لگاتار پانچ ڈومیسٹک ٹورنامنٹ اپنے نام کیے ہیں۔
