گوگل نے اپنی روایت برقرار رکھتے ہوئے فن کی دنیا کے عظیم فنکار کی تصویر کا ڈوڈل بنا کر انہیں خراج تحسین پیش کیا
معین اختر 24دسمبر 1950 میں شہر کراچی میں پیدا ہوئے، اور ان کے مداح آج ان کی 71 ویں سالگرہ منا رہے ہیں۔
معین اختر ایک عہد سازاور متاثر کن شخصیت کے مالک تھے، فن کا شاید ہی کوئی ایسا باب ہے جو انہوں نےرقم نہ کیا ہو۔
وہ پاکستان ٹیلی ویژن کے ایک باصلاحیت اداکار، فلم اور اسٹیج کے بے تاج بادشاہ، مزاح نگار، میزبان، مصنف، گلوکار، ہدایت کاراور پروڈیوسر تھے۔
اس عظیم فنکار نے اپنے کیرئیر کا آغاز 60 کی دہائی میں شروع کیا اور پیچھے مڑکر نہیں دیکھا۔ تاہم انومقصود اور بشریٰ انصاری کے ساتھ کیا جانے والا کام انہیں شہرت کی بلندیوں تک لے گیا،
یرت انگیز طور پر معین اختراردو، انگریزی، پشتو، سندھی، گجراتی، پنجابی اور بنگالی سمیت کئی زبانوں پر مکمل عبور رکھتے تھے۔
معین اختر کوفن کی خدمت کے صلے میں صدراتی تمغہ برائے حسن کاکردگی سمیت کئی قومی اور بین اقوامی ایوارڈ سے نوازا گیا۔
فن کا یہ عظیم باب 22 اپریل 2011 میں ہمیشہ کے لئے بند ہوگیا لیکن معین اختر اپنے فن کے ذریعے آج بھی سب کے دلوں میں زندہ ہیں۔
