ویسٹ انڈیز کرکٹ کے 9 کھلاڑی اور سپورٹ اسٹاف کرونا وائرس میں مبتلا ہوگئے جس کے باعث ٹی20 سیریز کا آخری میچ بھی منسوخ ہونے کا امکان ہے۔
کپتان ویسٹ انڈیز ٹیم نکولس پورن کی قومی کھلاڑیوں سے غیر رسمی گفتگو کرتے ہوئے کہا ہے کہ ابھی تک فیصلہ نہیں کیا آج کا میچ کھیلنا ہے یا نہیں، دونوں ٹیمیں 4 بجے ہوٹل سے اسٹیڈیم کےلیے روانہ ہونگی تاہم بورڈ حکام نے ابھی تک تصدیق نہیں کی ہے۔
پی سی بی اور ویسٹ انڈیز بورڈ کے درمیان زوم کے ذریعے میٹنگ جاری ہے جس میں میچ کے حوالے سے بات چیت کی جائے گی جبکہ ویسٹ انڈیز کرکٹ ٹیم کے کھلاڑی کرونا ٹیسٹ مثبت آنے پر تحفظات کا شکار ہیں.
دوسری جانب ٹی20 سیریز کے آغاز سے قبل ویسٹ انڈیز کے 3 کھلاڑی کرونا وائرس میں مبتلا ہوئے تھے جبکہ گزشتہ روز مزید 6 کھلاڑیوں اور سپورٹ اسٹاف کے ٹیسٹ مثبت آئے تھے۔
کوویڈ-19 آنے والے کھلاڑیوں اور سپورٹ اسٹاف میں شیلڈن کوٹریل،روسٹن چیز، کائل مائیر، شائی ہوپ، عقیل حسین، جسٹن گریوز سمیت اسسٹنٹ کوچ روڈی اسٹوک اور ٹیم کو ڈاکٹر آکشائی مان سنگھ شامل ہیں۔
