محکمہ صحت پنجاب نے بتایا ہے کہ گزشتہ 24 گھنٹوں کے دوران صوبے بھر میں ڈینگی کے 345 کیسز رپورٹ ہوئے ہیں، صوبائی دارالخلافہ لاہور سے ڈینگی کے 275 نئے مریض سامنے آئے ہیں، اس دوران صوبے بھر میں ڈینگی بخار کے باعث 2 اموات واقع ہوئیں۔
محکمہ صحت پنجاب کے مطابق راولپنڈی سے 27 اور گوجرانوالہ سے 14 ڈینگی وائرس کے مریض رپورٹ ہوئے ہیں۔
محکمہ صحت پنجاب نے بتایا کہ پنجاب بھر میں اب تک ڈینگی وائرس کے 21 ہزار 348 کیسز سامنے آ چکے ہیں۔
محکمہ صحت پنجاب کے مطابق صرف لاہور سے ہی اب تک ڈینگی کے 15 ہزار 655 کیسز سامنے آئے ہیں۔
محکمہ صحت پنجاب نے مزید بتایا کہ رواں سال پنجاب بھر میں ڈینگی وائرس کے 92 مریض جان کی بازی ہار چکے ہیں۔
محکمہ صحت پنجاب نے یہ بھی بتایا ہے کہ ڈینگی وائرس کے صوبے کے اسپتالوں میں اس وقت 1 ہزار 724، جبکہ لاہور کے اسپتالوں میں 1 ہزار 219 مریض داخل ہیں۔
