ٹی ٹوئنٹی ورلڈ کپ؛ سیمی فائنل کیلئے میچ آفیشلز کا اعلان کردیا گیا

انٹرنیشنل کرکٹ کونسل (آئی سی سی) ٹی 20 ورلڈکپ سیمی فائنل کے لیے میچ آفیشلز کا اعلان کر دیا۔

آئی سی سی کی جانب سے جاری اعلامیے کے مطابق بدھ 10نومبر  کو ابوظبی میں ہونے والے پہلے سیمی فائنل میچ میں فیلڈ امپائرز کی ذمہ داری ماریس ایراسمس اور کمار دھرما سینا انجام دیں گے جبکہ تھرڈ امپائر نتن مینن اور پال ریفل فورتھ امپائر ہوں گے۔

دوسرا سیمی فائنل جمعرات 11 نومبر کو دبئی میں پاکستان اور آسٹریلیا کے مابین کھیلا جائے گا۔ پاک آسٹریلیا سیمی فائنل کے لیے رچرڈ کیٹل برو اور کرس گیفنی کو آن فیلڈ امپائرز مقرر کیا گیا ہے جب کہ  تھرڈ امپائر جوئل ویلسن اور فورتھ امپائر رچرڈ النگ ہوں گے۔

اس کے علاوہ جیف کرو پاکستان آسٹریلیا میچ کے دوران میچ ریفری کے فرائض انجام دیں گے۔

خیال رہے کہ نیوزی لینڈ اور انگلینڈ کی ٹیموں کے مابین پہلا سیمی فائنل 10 نومبر کو کھیلا جائے گا۔ جب کہ ٹورنامنٹ کے دوسرے سیمی فائنل جو 11 نومبر کو ہو گا میں پاکستان اور آسٹریلیا کی ٹیمیں ٹکرائیں گی۔

Load/Hide Comments

اپنا تبصرہ بھیجیں