پاکستان بھر میں کورونا وائرس سے مزید 27 افراد جان کی بازی ہار گئے اور 1086 نئے کیسز بھی رپورٹ ہوئے۔
این سی او سی کے مطابق گزشتہ 24 گھنٹوں کے دوران ملک بھر میں کورونا کے 53590 ٹیسٹ کیے گئے جن میں سے 1086 افراد میں کورونا وائرس کی تصدیق ہوئی جب کہ وائرس سے 27 ہلاکتیں ہوئیں۔
نیشنل کمانڈ اینڈ کنٹرول کے مطابق ملک میں گزشتہ 24 گھنٹوں کے دوران کورونا کے مثبت کیسز کی شرح 2.02 فیصد رہی۔
Statistics 15 Oct 21:
Total Tests in Last 24 Hours: 53,590
Positive Cases: 1086
Positivity %: 2.02%
Deaths : 27
Patients on Critical Care: 2132— NFRCC (@NFRCCofficial) October 15, 2021
این سی او سی کے مطابق ملک میں کورونا سے ہلاکتوں کی تعداد 28228 ہو گئی اور مجموعی کیسز12 لاکھ 62 ہزار 771 تک جاپہنچے ہیں جب کہ فعال کیسز کی تعداد 39953 ہے۔
اس کے علاوہ 24 گھنٹوں کے دوران ملک بھر میں 1415 مریض کورونا سے صحتیاب بھی ہوئے ہیں جس کے بعد مجموعی طور پر صحتیاب ہونے والوں کی تعداد 11 لاکھ 94 ہزار 590 ہو گئی ہے۔
