معروف پاکستانی اداکار فہد مصطفیٰ نے وفاقی وزیر برائے اطلاعات و نشریات فواد چوہدری کی جانب سے پنجاب کے شہر راولپنڈی اور اسلام آباد سمیت 8 شہروں میں سینما کھولنے کی اجازت ملنے کا اعلان سُن کر خوشی کا اظہار کیا ہے۔
فہد مصطفیٰ نے مائیکرو بلاگنگ ویب سائٹ ٹوئٹر پر وفاقی وزیر برائے اطلاعات و نشریات فواد چوہدری کی جانب سےشیئر کیے گئے سینما گھروں کے کھلنے سے متعلق نوٹیفیکیشن کو ری شیئر کرتے ہوئے اپنی خوشی کا اظہار کیا ہے۔
انہوں نے اپنی ٹوئٹ میں دل والے ایموجی کا استعمال کرتے ہوئے ’واہ واہ‘ لکھا ہے۔
Wah wah wah ♥️ https://t.co/y18kKrojqF
— Fahad Mustafa (@fahadmustafa26) September 29, 2021
خیال رہے کہ وفاقی وزیر برائے اطلاعات و نشریات فواد چوہدری کی جانب سے پنجاب کے شہر راولپنڈی اور اسلام آباد سمیت 8 شہروں میں سینما کھولنے کی اجازت کا کل اعلان کیا گیا تھا۔
فواد چوہدری کی جانب سے مائیکر بلاگنگ ویب سائٹ ٹوئٹر پر کورونا وبا کے کیسز میں کمی آنے کے بعد سینما گھروں کے کھلنے سے متعلق نوٹیفیکیشن شیئر کیا گیا تھا۔
