پاکستان اور نیوزی لینڈ کے درمیان پہلا ون ڈے میچ منسوخ کردیا گیا، ذرائع

پاکستان اور نیوزی لینڈ کے درمیان پہلے ون ڈے میچ کے آغاز میں تاخیر ہوگئی ہے تاہم اس حوالے سے کرکٹ بورڈ کی جانب سے کوئی وجہ نہیں بتائی گئی۔
کرکٹ ویب سائٹ کرک انفو کا کہنا ہے کہ پاکستان اور نیوزی لینڈ کے درمیان راولپنڈی کرکٹ اسٹیڈیم میں آج ہونے والا میچ تاخیر کا شکار ہے اور کھلاڑیوں اور سپورٹ اسٹاف سے کہا گیا ہے کہ وہ اپنے ہوٹل میں ہی رہیں۔

واضح رہے کہ میچ آج دوپہر ڈھائی بجے شروع ہونا ہے لیکن ٹاس تقریباً آدھے گھنٹے قبل ہوجاتا ہے اور کھلاڑی گراؤنڈ میں آجاتے ہیں۔ ذرائع کے مطابق شائقین کو بھی اب تک اسٹیڈیم کے اندر داخل ہونے کی اجازت نہیں دی گئی ہے۔

ذرائع کا کہنا ہے کہ کورونا مثبت آنے والے افراد میں کھلاڑی بھی شامل ہوسکتے ہیں اور اگر ایسا ہوا تو سیریز پر بھی سوالیہ نشان لگ سکتا ہے۔ پاکستان اور نیوزی لینڈ کے درمیان ون ڈے سیریز منسوخ ہونے کا خدشہ ہے۔

Load/Hide Comments

اپنا تبصرہ بھیجیں