روس میں 6300 فٹ بلند پہاڑ پر نصب جھولے سے نیچے گرنے والی خواتین معجزانہ طور پر بچ گئیں تاہم انہیں معمولی چوٹیں آئی ہیں۔
دی سن کی رپورٹ کے مطابق دونوں خواتین داغستان کے علاقے میں واقع وادی سولاک میں پہاڑ کنارے نصب جھولے میں سوار تھیں کہ اچانک جھولے کی ایک چین ٹوٹ گئی اور وہ موت کے منہ میں جاپہنچیں۔
خوش قسمتی سے خواتین پہاڑ کے کنارے پر موجود لکڑی کے تختے پر گریں جس سے ان کے جسم پر معمولی چوٹیں آئیں لیکن ان کی جان بچ گئی۔
مقامی اخبار کم سوموسکیا پروادا کی رپورٹ میں قانون نافذ کرنے والے ادارے کے ذرائع کا حوالہ دیتے ہوئے کہا گیا کہ ’خواتین خوفزدہ ہوگئی تھیں لیکن ان میں سے کوئی شدید زخمی نہیں ہوئی‘۔
Moment two women fell off a 6000-Ft cliff swing over the Sulak Canyon in Dagestan, Russia.
Both women landed on a narrow decking platform under the edge of the cliff & miraculously survived with minor scratches.
Police have launched an investigation. pic.twitter.com/oIO9Cfk0Bx— UncleRandom (@Random_Uncle_UK) July 14, 2021
واقعے کی ویڈیو سوشل میڈیا پر بہت زیادہ وائرل ہورہی ہے جس میں جائے وقوعہ پر موجود افراد کو جھولے کی چین ٹوٹنے پر خوف سے چیختے ہوئے دیکھا جاسکتا ہے۔
قانون نافذ کرنے والے ادارے اور دیگر سروسز متعلقہ تحقیقات کرتے ہوئے اس بات کو یقینی بنانے کی کوشش کررہے ہیں کہ مستقبل میں ایسے حادثات پیش نہ آئیں۔
