پاکستانی اداکارہ سجل علی نے پاکستان اور بھارت کے درمیان شوبز انڈسٹری میں اچھے تعلقات کے بارے میں اپنے خیالات کا اظہار کردیا۔
اداکارہ نے اپنے حالیہ انٹرویو میں گفتگو کرتے ہوئے کہا کہ پاکستانی انٹرٹینمنٹ انڈسٹری کے لوگوں کو بھارت میں کام کرنے کا سوچنے کے بجائے اپنی انڈسٹری کی بہتری پر توجہ دینی چاہئیے۔
سجل علی کا کہنا تھا کہ یہ بات اہم نہیں کہ ہم اپنے کام کو بھارتی انڈسٹری میں متعارف کروائیں یا ان کے کام کو اپنے ملک میں فروغ دیں۔
انہوں نے کہا کہ میرے خیال میں ہمیں اپنی انڈسٹری پر توجہ دینی چاہئیے اور اپنے کام کو بہتر بنانے کی کوشش کرنی چاہئیے۔
واضح رہے کہ اداکارہ سجل علی خود بالی ووڈ کی ایک فلم موم میں آنجہانی اداکارہ سری دیوی اور اداکار نوازالدین صدیقی سمیت دیگر نامور بھارتی اداکاروں کے ساتھ کام کرچکی ہیں۔
