کورونا ویکسین کی رواں ماہ 3 کروڑ 50 لاکھ سے زائد ویکسین ڈوز پاکستان لائی جائیں گیں

پاکستان کورونا ویکسین کی بھاری مقدار حاصل کرنے میں کامیاب ہوگیا ، رواں ماہ 3 کروڑ 50 لاکھ سے زائد ویکسین ڈوز پاکستان لائی جائیں گیں۔
تفصیلات کے مطابق عالمی سطح پر قلت کے باوجود پاکستان کورونا ویکسین کےحصول میں کامیاب ہوگیا ، ذرائع کا کہنا ہے کہ رواں ماہ کورونا ویکسین کی بھاری مقدارپاکستان آئے گی، رواں ماہ3 کروڑ 50 لاکھ سےزائدویکسین ڈوزپاکستان لائی جائیں گیں
ذرائع نے کہا ہے کہ رواں ماہ آنےوالی 3کروڑ سے زائد ڈوز پاکستان نےخریدی ہیں ، اس دوران چین سےسائینوفام،کین سائینو، سائینوویک کی کھیپ آئےگی۔
ذرائع کے مطابق رواں ماہ کے اختتام پر فائزر کمپنی پاکستان کو کھیپ فراہم کرے گی، پاکستان نے فائزر کمپنی سے1 کروڑ 30 لاکھ ویکسین ڈوز خریدی ہیں جبکہ پاکستان کورواں ماہ کوویکس سےویکسین کی بھاری مقدار ملنے کا امکان ہے، پاکستان کو کوویکس سے سائینو فام، آسٹرازنیکا، فائزر ویکسین ملے گی۔
ذرائع کا کہنا تھا کہ گزشتہ ماہ 2 کروڑ 13لاکھ40 ہزار ویکسین ڈوز پاکستان لائی گئی تھیں، جس میں سے 1 کروڑ 45 لاکھ ڈوز پاکستان نے خریدی تھیں جبکہ کوویکس نے گزشتہ ماہ پاکستان کو 67 لاکھ 40 ہزار ڈوز فراہم کی تھی۔
ذرائع نے بتایا کہ رواں ماہ چین سے کورونا ویکسین کی 55 لاکھ ڈوز لائی جا چکی ہیں ، چین نے پاکستان کو20 لاکھ سائینوفام ویکسین ڈوزتحفہ دیں جبکہ رواں ماہ 64 ہزار فائزر، 15 ہزاراسپٹنک ڈوز پاکستان پہنچ چکی ہیں۔