پاکستان کرکٹ بورڈ (پی سی بی) نے نیشنل ٹی 20 کپ کے قذافی سٹیڈیم لاہور میں شیڈول تمام میچز مفت دکھانے کا فیصلہ کر لیا ہے اور اس کیساتھ ہی نیوزی لینڈ کیخلاف منسوخ سیریز کے ٹکٹوں کی رقم واپس کرنے کا فیصلہ بھی ہو گیا ہے۔
قومی ٹی 20کپ کا دوسرا مرحلہ کل سے قذافی سٹیڈیم لاہور میں شروع ہورہا ہے جس کیلئے پی سی بی نے شاندار اعلان کرتے ہوئے گنجائش کے 25 فیصد شائقین کو سٹیڈیم میں بالکل مفت داخلے کی اجازت دیدی ہے۔
واضح رہے کہ قومی ٹی 20 کپ کا دوسرا مرحلہ کل سے لاہور میں شروع ہو گا جس دوران تمام 6 ٹیمیںان ایکشن نظر آئیں گی جبکہ فائنل 13 اکتوبر کو کھیلا جائے گا جس کے بعد آئی سی سی ٹی 20 ورلڈکپ میں شرکت کیلئے قومی سکواڈ چارٹرڈ طیارے کے ذریعے متحدہ عرب امارات (یو اے ای) روانہ ہو جائے گا۔
