پاکستان سپرلیگ( پی ایس ایل )سیون کی پلیئرز ڈرافٹنگ لاہور کے ہائی پرفارمنس سینٹر میں کل (اتوار کو )ہوگی۔
ایونٹ میں شامل 6 ٹیموں نے برقرار کیے جانے والے کھلاڑیوں کے ناموں کا اعلان کر دیا ہے۔ لاہور قلندر، پشاور زلمی، اسلام آباد یونائیٹڈ اور کراچی کنگز نے آٹھ آٹھ کھلاڑی برقرار رکھنے کا فیصلہ کیا ہے۔
کوئٹہ گلیڈی ایٹر اور ملتان سلطان سات سات کھلاڑیوں کے ساتھ ڈرافٹنگ میں حصہ لیں گی۔تاہم ڈرافٹنگ کے اس عمل کے دوران کئی بڑے نام ٹیموں میں جگہ برقرار رکھنے میں ناکام ہوگئے ہیں۔ کامران اکمل، فخر زمان، بین ڈنک، ڈیوڈ ملر، امام الحق، محمد عرفان کا دوبارہ انتخاب کیا جائے گا۔
واضح رےہ کہ پی ایس ایل سیون کا آغاز 27 جنوری سے ہوگا جبکہ ایونٹ میں مجموعی طور پر 34 میچز کھیلے جائیں گے۔ایونٹ کے تمام میچز کراچی اور لاہور میں کھیلیں جائیں گے۔
