پنجاب میں ڈینگی کے وار جاری ہیں مزید 2 افراد انتقال کر گئے، مرنیوالوں میں ایک کا تعلق گجرات اور ایک کا راول پنڈی سے ہے۔
محکمہ صحت پنجاب کے مطابق 24 گھنٹوں کے دوران ڈینگی کے 81 کیسز رپورٹ ہوئے، 58 مریضوں کا تعلق لاہور سے ہے.
محکمہ صحت کے مطابق گزشتہ روز راولپنڈی 4، گوجرانولہ 3 جبکہ فیصل آباد اور قصور میں دو دو مریض رپورٹ ہوئے۔
پنجاب کے محکمہ صحت کے مطابق رواں سال پنجاب سے اب تک ڈینگی کے 25 ہزار 145 جبکہ لاہور سے 17 ہزار 906 افراد ڈینگی میں مبتلا ہو چکے ہیں۔
