پاکستان آرمی کے زیر اہتمام جاری پیسز گیمز کا آج دوسرا روز ہے۔
تفصیلات کے مطابق ایوب اسٹیڈیم میں پل اپس کے مقابلے جاری ہیں ، مقابلوں میں پاکستان سمیت 11 ممالک کے فوجی جوان شریک ہیں۔
پل اپس مقابلوں میں پاکستان آرمی کی عمدہ کارکردگی رہی ، مقابلوں میں 11ممالک کے 101 فوجی جوان شریک ہیں۔
مقابلے میں پاکستان ،عراق ، اردن ،فلسطین ،سری لنکا ، متحدہ عرب امارات اور ازبکستان کے جوان شریک ہیں۔
واضح رہے کہ مصر، انڈونیشیا، جاپان اور میانمار آبزرور کی حیثیت سے ایونٹ میں شامل ہیں۔
