ویسٹ انڈیز کے خلاف سیریز کے لیے اسکواڈ میں شامل پاکستان ویمن ٹیم کی تین کھلاڑی کورونا میں مبتلا ہو گئیں۔
پاکستان کرکٹ بورڈ (پی سی بی) کی جانب سے جاری بیان میں بتایا گیا ہے کہ تینوں کھلاڑیوں کو 10 روز کیلئے آئسولیشن میں بھیج دیا گیا ہے تاہم کرکٹ بورڈ کی جانب سے ان کھلاڑیوں کے نام ظاہر نہیں کیے گئے ہیں۔
پاکستان کرکٹ بورڈ کے مطابق اسکواڈ کی باقی کھلاڑیوں کے ٹیسٹ کلیئر آئے ہیں۔
یاد رہے کہ پاکستان اور ویسٹ انڈیز کی ویمن ٹیموں کے درمیان سیریز 8 نومبر سے شروع ہو گی۔
