قومی کرکٹ ٹیم کے سابق کرکٹر وقار یونس کی اہلیہ کے ہمراہ ڈانس کی ویڈیو وائرل ہوگئی۔
کرکٹ میدان میں مخالفین کو اپنی ریورس سوئنگ سے پریشان کرنے والے سابق فاسٹ بولر وقار یونس کی اہلیہ کے ہمراہ ڈانس ویڈیو نے سوشل میڈیا صارفین کو حیرت میں مبتلا کردیا۔
سوشل میڈیا پر قومی کرکٹ ٹیم کے سابق ہیڈ وبولنگ کوچ وقار یونس کی ایک ویڈیو وائرل ہورہی ہے جس میں وہ اپنے برادر نسبتی کی شادی میں ڈانس کرتے دکھائی دے رہے ہیں۔
ماضی میں وقار یونس کو سامنا کرتے ہوئے اچھے اچھے بلے بازوں کی ٹانگیں کانپتی تھی لیکن اسٹیج پر خود سابق فاسٹ بولر ڈانس کے معاملے میں ہچکچاہٹ کا شکار دکھائی دیے تاہم بیوی کا دل رکھنے کے لیے اسٹیج پر ان کا بھرپور ساتھ دیتے رہے۔
اس سے قبل ایک اور سابق قومی کرکٹر کی ڈانس کی ویڈیو سوشل میڈیا پر وائرل ہوئی تھی۔ ویڈیو میں اداکارہ مریم انصاری کی مہندی کی تقریب میں سابق وکٹ کیپر بلے باز معین خان اور ان کے صاحبزادے قومی ٹیم کے کھلاڑی اعظم خان نے رقص کرتے دکھائی دیے۔
واضح رہے قومی ٹیم کے سابق کوچ وقار یونس کے برادر نسبتی کی شادی کی تقریب کراچی میں ہوئی جس میں انہوں نے اہلیہ ڈاکٹر فریال کے ہمراہ ڈانس کیا ۔ دونوں نے بھارتی فلم کے گانے ‘دہلی والی گرل فرینڈ’ پر ڈانس کیا۔
