وفاقی وزیر انسانی حقوق شیر ی مزاری نے گریٹر اقبال پارک میں خاتون پر تشدد کے واقعے کی مذمت کرتے ہوئے کہا کہ ہمیں لوگوں میں پر تشدد رویہ تبدیل کرنے کی ضرورت ہے۔
تفصیلات کے مطابق وفاقی وزیر شیریں مزاری کا کہنا تھا کہ سوچ بدل کر ہی ہم معاشرے کے کمزور افراد کے خلاف جرائم روک سکتے ہیں اورقوانین کے نفاذ سے پرتشدد رویے میں کچھ کمی آئے گی۔
انہوں نے کہا کہ اس معاملے میں وزارت انسانی حقوق پنجاب حکومت سے رابطے میں ہے جبکہ واقعہ سے متعلق ایف آئی آر درج ہو گئی ہے اور ملزمان گرفتار کئے جاچکے ہیں۔پنجاب حکومت معاملے پر سخت کارروائی یقینی بنائے۔
