قومی کرکٹ ٹیم کے سابق لیجنڈری کرکٹر وسیم اکرم نے معروف اداکار و میزبان فہد مصطفیٰ کو اپنے دستخط والا 5 ہزار کا نوٹ دے دیا۔
فہد مصطفیٰ نے سماجی رابطے کی ویب سائٹ ٹوئٹر پر اپنی تصویر شیئر کی جس میں اُن کے ساتھ سوئنگ کے سلطان وسیم اکرم بھی موجود ہیں۔
Thankyou @wasimakramlive bhai for signing this 5000 note for me 💋and @waqyounis99 you are next 😜 pic.twitter.com/glYdWqnB7t
— Fahad Mustafa (@fahadmustafa26) November 6, 2021
ٹوئٹر پر شیئر کی گئی تصویر میں فہد مصطفیٰ کے ہاتھ میں 5 ہزار کا نوٹ ہے جس پر وسیم اکرم کے دستخط ہیں جبکہ سابق کرکٹر بھی ہاتھ سے نوٹ کی طرف اشارہ کررہے ہیں۔
فہد مصطفیٰ نے اپنے ٹوئٹ میں وسیم اکرم سے مخاطب ہوتے ہوئے لکھا کہ ’5000 کے نوٹ پر دستخط کرنے کے لیے آپ کا بہت شکریہ۔‘
اداکار نے مزید لکھا کہ ’اب اگلی باری وقار یونس کی ہے۔‘
اس ٹوئٹ پر ردّعمل دیتے ہوئے وقار یونس نے مزاحیہ انداز میں کہا کہ ’میں دستخط کردوں گا لیکن 5000 کا نوٹ آپ کو اپنا ہونا چاہیے۔‘
Make sure you bring your own note @fahadmustafa26 Misbah also got a present for you🤔 https://t.co/xkLqpFh4C6
— Waqar Younis (@waqyounis99) November 6, 2021
وقار یونس نے مزید کہا کہ ’ویسے مصباح الحق نے بھی آپ کے لیے تحفہ لیا ہے۔‘
